Plano it House Prosecution Panel nga magpresenta it kapin sa 25 testigo sa impeachment trial kontra kay Vice President Sara Duterte sa Senado.
Suno sa House prosecution, presenteng nagapasaidaeom sa vetting ro mga testigo kaya indi pa pwedeng isapubliko ro andang mga pangaean, apang kaibahan sigon kara ro mga opisyal halin sa Department of Education (DepEd) ag Office of the Vice President (OVP).
Bangud sa andang koneksyon sa bise presidente, ginaeauman nga paga-kabigon ro pila kanda bilang hostile witnesses sa idaeom it rules of evidence.
Sa mga naunang pagpamati sa House Committee on Justice, eumutaw ro testimonya it mga dating aide ag opisyal, kaibahan ro mga alegasyon it iregular nga transaksyon nga umabot sigon sa bilyong piso, base sa report it Anti-Money Laundering Council ag mga ebidensyang gin-presinta sa National Bureau of Investigation (NBI), nga makaron hay magiging parte it mga iga-atubang nga kaso sa impeachment proceedings.
