KALIBO, Aklan—Ginatugis eon makaron it mga kapulisan ro sangka 31-anyos nga eaeaki nga responsable sa pagpamuno sa anang kaeapit baeay sa Brgy. Carugdog, Lezo.
Ginkilaea it Lezo PNP ro suspek nga si Wilhelm Tejada samtang ro biktima nga presenteng una sa intensive care unit it Aklan provincial hospital hay ginkilaeang si Jayson Jerald Argoncillo, 26-anyos ag parehong residente it nasambit nga lugar.
Base sa inisyal nga imbestigasyon it pulisya, nakaangkon it sangka igo it pagbuno sa waea nga dughan si Argoncillo gamit ro kutsilyo nga ginatantyang nagahaba it 8 hasta sa 16 inches.
Ginasugid nga nagakanta ro biktima kat ginpaeapitan it suspek ag posible sigon nga naimpito raya sa sangag nga ginkriar ni Argoncillo.
Matapos ro insidente hay insigidang nagpaeagyo ro suspek samtang ro biktima hay padayon nga ginabueong sa nasambit nga ospital.
Ro insidente hay padayon nga ginaimbestigahan it Lezo PNP.
