KALIBO, Aklan – – – Patay eon ag naga paeang gaub kat masapwan nga naga hamyangon sa kilid it highway ro sangka 26 anyos nga eaeaki matapos nga makuryente.
Ro biktima hay gin kilaeang si John Lawrence Castillo, may deperensiya sa paino-ino ag residente it Brgy. Linabuan Sur, Banga.
Nadiskubrehan eon lang ro biktima nga owa eon it kabuhi kaina it alas-6:30 it agahon kun sa siin ro mga naga aeagi sa highway ro unang nakakita kara.
Nasapwan ro biktima maeapit sa puno it indian mango ag may unang nakausli nga wire.
Suno sa anang kaeapit-baeay nga si Recio Clarito nga mahilig ro biktima nga maghinampang sa mga wirings.
Gina pahayag dugang nga mahilig raya magsinaka ag magkuhit-kuhit kun sa siin may insidente sigon nga bisan ro andang kaugalingon nga panimaeay hay sangkiri eon lang masunog.
Sa makaron hay padayun pang gina chekyar it otoridad ro insidente matapos makita nga may dugo sa ueo it biktima nga posibling umigo sa matig-a nga bagay.
