KALIBO, Aklan — Eubus ro pagpasaeamat it Philippine Red Cross (PRC)-Aklan chapter sa 266 nga successful blood donors nga nakipagbahin sa Dugong Bombo 2019 sa Aklan Provincial Trade Hall sa Capitol Site, Kalibo, Aklan, adlaw it Sabado.
Masobra sa 400 indibidwal ro nagpadueong sa venue agud boluntaryong mag-donate it dugo, apang ro iba hay uwa nakapasa sa pre-screening requirements ag 266 eamang ro nagmadinaeag-on nga blood donor.
Suno kay Mary Joe Galleon, OIC it PRC-Aklan nga madinaeag-on ro ginpatigayon nga bloodletting activity it Bombo Radyo Philippines ag Star FM bangud sa natipong 266 nga blood units nga sobra-sobra sa 100 nga kinahang-ean nga matipon sa sueod it sang adlaw it sangka probinsya.
Sambilog sa kilaeang personalidad sa Aklan nga nakipagbahin sa Dugong Bombo hay si Mrs. Aileen Quimpo-Hernandez, onga ni dating Aklan Congressman Atty. Allen S. Quimpo.
Ro 266 nga blood units hay katumbas it 119,700 cc it dugo.
