KALIBO, AKLAN – – – Bangud sa pagpang-isnab, ginbuno-patay it sangka 17 anyos nga binatilyo ro sangka 27 anyos nga eaeaki bandang alas-9:00 it agahon sa barangay pavement it Vivo, Tangalan.
Nakilaea ro biktima nga si Noli Traico samtang ro suspek hay nakilaea kay alyas “leonardo”, parehong residente it nasambit nga lugar.
Base sa report, samtang nagakatueog ro biktima sa pavement bangud sa kahilungon hay ginpaeapitan raya it suspek ag ginkusnot.
Bangud sa kadueuygon hay owa raya ginsapak it biktima rason nga napikon ro suspek ag nagbo-oe it kutsilyo ag dayun nga ginbuno si Traico nga dead on the spot ag owa eon madaea sa ospital.
Insigidang nagpaeagiw ro binatilyo matapos nga makomiter ro krimen.
Ro insidente hay padayun nga gina-imbestigahan it tangalan police station kabulig ro mga operatiba it SOCO-Aklan.
