KALIBO, Aklan—Humampak eon sa kabilugang 1,663 ro kumpirmadong kaso it Coronavirus Disease 2019 ukon COVID-19 sa bilog nga probinsya it Aklan umpisa nga magtuhaw ro pandemya.
Base sa datus nga ginpagguwa it Aklan Provincial Epidemiology Surveillance Unit it Provincial Health Office, raya hay bangud sa 27 nga panibag-ong nagpositibo sa deadly virus.
Sa nasambit nga numero, 12 ro maghalin sa banwa it Nabas, lima sa Malay, tatlo sa Buruanga, tig daywang kaso sa Banga, Makato ag New Washington samtang sambilog ro halin sa banwa it Batan.
Sa pihak kara, may 13 man nga nagdugang sa listahan it mga nagmayad rason nga sumaka eon sa 1,462 ro total recoveries.
Samtang, nagapabilin man sa 39 ro numero it mga namatay matapos nga dapuan it COVID-19 infection.
Sa makaron, 162 pa ro nabilin nga aktibong kaso nga ginakaeakipan it 140 nga naka-facility quarantined ag 22 nga admitted sa COVID ward it Aklan Provincial Hospital.
