Igapatigayon sa probinsya it Aklan ro 27th University Games.
Suno kay Roelene Nemis Inaudito, University Games Coordinator – Aklan, nag-umpisa eon makaron nga adlaw ro pag-aeabutan it mga teams maghalin sa nagkaeain-eain nga mga eskwelahan ag munisipalidad sa bilog nga nasyong Pilipinas.
Eakip sa pagahiwaton nga mga pahampang ro Beach Volleyball Men and Women nga pagahiwaton sa Tangalan, football ag futsal nga pagahiwaton sa Makato, Taekwondo, Athletics, ag indoor Basketball ag Volleyball.
Dugang pa nana, sa probinsya it Aklan, daywang ka mga eskwelahan ro maga-partisipar, ro Aklan Catholic College ag Aklan Polytechnic College.
Sa kabilugan una sa 41 ka mga eskwelahan sa nagkaeain-eain nga parte it nasyon ro magapartisipar sa pahampang.
Paathag ni Inaudito, natigayon nga matabo raya sa probinsya bangud sa suporta ni Governor Jose Enrique “Jo-en” Miraflores para sa pagpa-umwad it kapasidad it mga atleta pag-abot sa patag it sports.
Magaserbi man sigon ro nasambit nga pahampang bilang testing bangud sa plano man it probinsya nga mag-host it Batang Pinoy ag Palarong Pambansa.
Ginpasiguro man nana ro seguridad it kada team sa bulig it mga kapulisa ag iba pang ahensya.// ro 27th University Games hay maga-umpisa sa Oktubre 24 it presenteng dag-on.
