Kalibo Aklan —– Ginpasugtan nga i-release it korte ro 28-anyos nga ginang nga nauna eon nga gin-report ko nagtaliwan nga adlaw matapos nga gindakop it Kalibo PNP bangud napas-eawan rayang mag-presenta it quarantine pass.
Halin sa 12 ka mga nakataeana kunta nga pagapasakaan it kaso may kaangtanan sa pag-eabag sa Executive Order number 035 sa tunga it naga-iral nga Enhanced Community Quarantine (ECQ) sa bilog nga probinsya it Aklan, kaibahan ro nasambit nga ginang sa tatlong indibidwal nga ginpahilway it korte.
Raya hay kasunod it pagkonsidera it natungdan sa mga rason it mga raya it pagguwa it andang panimaeay.
Samtang, ro nabilin nga siyam nga persona hay temporaryo man anay nga ginpagguwa apang kung matapos ro outbreak sa Coronavirus Disease (COVID-19) pandemic hay uman sandang pagapatawgon para nga atubangon ro kaso.
