Kalibo Aklan ———–Namatay sa pagka-eumos ro sangka 29 anyos nga construction worker matapos nga mahueog ro anang ginamaneho nga motorsiklo sa gina-construct nga karsada sa national highway nga sakop it Brgy. Aquino, Ibajay.
Ro biktima hay nakilaea kay Roniel Estilloso, residente it Brgy. Ondoy sa nasambit nga banwa.
Suno kay P/Capt. Mark Darryl Villanueva it Ibajay Municipal Police Station nga self-accident ro natabu matapos nga mahueog raya sa madaeum nga kutkot ag naeumos sa tubi nga naka-stock.
Sa inisyal nga imbestigasyon it Ibajay PNP, pasado alas-11 kabi-i, nag-uli halin sa Brgy. Caticlan, Malay ro motorista matapos nga mag-overtime sa trabaho kun sa siin pag-agi nana sa nasambit nga lugar hay posibleng owa nana napan-uhan ro ginaobra nga karsada rason nga nahueog imaw nga nagresulta sa anang pagkamatay.
