Indi magnaba sa 29 katawo, kaibahan ro mga estudyante, ro namatay sa sunog sa Bukavu, kabisera it South Kivu province sa nasidlangang parte it Democratic Republic of the Congo (DRC).
Kaibahan sa mga namatay ro 19 babaye ag limang eaeaki.
Nag-umpisa ro sunog sa Chimpunda neighborhood ag kumalhit sa Ujamaa Primary School ag Furaha Secondary School, pati eon man sa ginabueubanta nga 300 kabaeayan nga himo sa kahoy.
Pilang estudyante ro namatay bangud sa suffocation ag stampede samtang naga-hana nga magbakwit.
Suno sa mga lokal nga awtoridad, may mga ninhan nga ginabueong sa mga ospital, kaibahan ro 21 nga una sa intensive care.
Padayon man ro imbestigasyon agud matumod ro rason it sunog, samtang pilang insidente it sunog ro nalista man sa Bukavu ku mga nagtaliwan nga adlaw.
