National News———–Nailista makarun nga adlaw ro ikaywa sa highest single day tally it mga bag-ong naidugang nga natapnan it coronavirus sa Pilipinas umpisa ko nagtaliwan nga dag-on.
Raya hay matapos ireport it Department of Health (DOH) ro 13,177 nga naidugang sa mga bag-ong kaso it COVID-19 sa nasyon.
Bangud kara, ro numero it mga natapnan it virus hay nag-abot pa sa 1,713,302.
Makarun nga adlaw, haeos mag-100,000 eun ro mga pasyente nga nagapamayad sa nagkaeain eain nga parte it nasyon.
Raya hay bangud ro mga aktibong kaso hay kapin sa 96,395 eun.
Katumbas raya sa 5.6 percent it kabilugang kaso sa Pilipinas.
Samtang may una man nga mga nailistang bag-ong nagmayad nga nag-abot sa 4,322.
Ro mga nakarekober sa sakit umpisa ko nagtaliwan ngadag-on hay kapin sa 1,587,069 eun.
Apang may ap-at nga mga laboratoryo ro napsaeawan nga makareport it datos sa COVID-19 Document Repository System (CDRS).
Nagdugang man ro mga nailistang bag-ong namatay bangud sa COVID-19 nga kapin sa 299.
Ro death toll sa nasyon bangud sad eadly virus hay kapin sa 29,838 eun.
