NATIONAL News — Sa ulihing parte it Hunyo ukon sa unang parte pa it Hulyo paga-umpisahan it Land Transportation Franchising and Regulatory Board ukon LTFRB ro pagpanupod it second tranche it fuel subsidy sa mga PUV operator ag driver.
Suno kay LTFRB Executive director Tina Cassion, ginapahaum eon nanda ro mga dokumento para sa pagpanupod it panibag-ong P6,500 fuel subsidy sa kada benepisyaryo ukon may kabilugan nga P5 billion.
Ko nagtaliwan nga domingo sigon hay kueang-kueang nga 5,000 sa 377,000 nga benepisyaryo ro owa pa nakabaton it unang tranche it fuel subsidy.
Ginklaru man ni Cassion nga ro magabaton it ikaywang bugso it ayuda hay kapareho it nagbaton it unang tranche.
Owa man gindetalye it LTFRB official ro rason it sangkiri nga pagka-delay it pagpanupod it ikaywang bugso it ayuda.
