Lumobo eon sa masobra 3.3 milyong indibidwal halin sa masobra 900,000 nga pamilya ro naapektuhan sa pagpanaeasa it nagtaliwan nga kalamidad sa nasyon.
Base sa datos it National Disaster Risk Reduction and Management Council (NDRRMC), masobra sa 1.1 million nga indibidwal ukon 270,000 nga pamilya ro na-displace ag ginbakwit paadto sa evacuation centers ukon sa ibang lugar.
Maskin mas mataas ro nailistang death toll it PNP nga kapin sa 34, ginpaathag it NDRRMC nga nagaagi sa maid-id nga validation ro naireport nga mga namatay rason nga ginaeaumang magataas pa sigon ro numero sa mga masunod nga inadlaw.
Samtang, nagaabot eon sa 104 ro mga lugar sa nasyon nga ginpaidaeom sa state of calamity bangud sa kaeaparon it gin-aywanan nga halit it bagyong Carina ag Habagat.
