KALIBO, Aklan — Hugut nga ginpamalibaran it 30-anyos nga eaeaki nga ginhimuslan nana ro tatlong dag-on nga ungang babaye it anang katrabaho ag boardmate sa banwa it Kalibo.
Nakakulong eon matapos nga ginpaidaeaum sa inquest proceeding ro suspek nga si Ian James, sangka lending collector, residente it Dipolog City ag temporaryong naga-istar sa banwa it Kalibo matapos nga magguwa sa resulta it medical examination nga positibong natabing ro unga.
Base sa panaysayon it ina it unga nga nakitaan nana it mancha it dugo ro pang ubos nga suksok it unga nga bag-o eamang nga naghalin sa poder it suspek.
Bangud kara, insigida sanda nga nag-report sa pulisya ag naaresto ro suspek.
Ginapatihan nga ginsueod it suspek ro anang tudlo sa kinatawo it unga .
Nasayuran nga si James hay haeos an-um nga buean pa eamang nga naga-istar sa nasambit nga boarding house , apang mabuhay eon nga tiempo raya nga nagatinir sa Aklan.
Ginpahayag dugang nga masyadong close ro unga sa suspek.
Nadakpan eon man sigon raya ko una nga nagapanglingling sa ina it unga .
