KALIBO, AKLAN — Nagapamayad eon sa Aklan Provincial Hospital ro sangka tatlong dag-on nga ongang eaeaki matapos nga mabun-an it kaugalingong ama matapos nga nasae-ang aswang sa Brgy. Tambak, New Washington, Aklan.
Ginkilaea ro biktimang si Jay Respeto, residente it nasambitang lugar.
Suno sa ina it biktima nga natabo ro insidente bandang ala-1:30 it kaaganhon kat nabugtaw ro anang onga ag nag-iping sa kilid it anang ama nga nagakatueog agud maghigko sa buho sa andang saeog.
Nasae-an sigon rayang aswang it anang ama nga namueaw-mueawan kabangdanan nga insigidang ginbueo ro anang kutsilyong ginaiping sa anang pagtueog.
Gulpi sigon nga nagtangis ro onga ag kat pahayagon ro iwag hay nakibot ro mag-asawa kat makit-ang duguan ro andang onga nga insigidang nalipong.
Ro onga hay nakaangkon it lastro sa dughan ag tu-o nga alima.
Ginasugid nga masyadong mahinadlukon sigon ro mister sa mga aswang.
