-- ADVERTISEMENT --
Nagpositibo sa makalaeason nga red tide ro tatlong coastal areas sa Visayas ag Mindanao.
Sa ginpagguwa nga advisory halin sa Bureau of Fisheries and Acquatic Resources (BFAR), nadiskubre nga may una nga paralytic shellfish poison ukon toxic red tide nga eagpas sa regulatory limit ro katubian sa Dauis ag Tagbiliran City sa Bohol, Dumanquillas Bay sa Zamboanga del Sur ag Lianga Bay sa Surigao del Sur.
Suno sa BFAR, tanan nga klase it shellfish ag alamang nga mabuoe sa nasambit nga mga lugar hay bukon it euwas para sa human consumption.
Apang, ro mga isda, pusit, ueang ag alimango hay euwas nga kaunon basta nga ro mga raya hay preska, nahugasan it mayad ag nabuoe ro internal organs kapareho it hasang ag tinae antes nga eahaon.
