Napilitang kanselahon it organizer ro tatlong concert ni American pop star Taylor Swift sa Austria bangud sa paeag it terorismo.
Nakataeana kunta nga magpatigayon it tatlong gabi-e nga concert si Swift halin ko Agosto 8 hasta makaron nga Agosto 10 sa Ernst Happel Stadium, Austria.
Dugang pa it osrganziers nga may kumpirmasyon ro gobyerno it Austria angot sa terror attack hay uwa eon sanda it mahimo kundi kanselahon ro concerts para sa kaeowasan it tanan.
Ginpasiguro nanda nga ro tanan nga mga nakabakae it tickets hay maibalik ro andang bayad.
Nauna eon nga may daywang ka suspek nga naaresto ro mga kapulisan it Austria nga puro mga sympathizer it Islamic States.
Nabuoe sa baeay it 19-anyos nga suspek ro pilang mga chemical substance nga pwedeng gamiton sa pagpatigayon it terorismo.
