KALIBO, Aklan—Nagapangatubang sa kasong pag-eabag sa Presidential Decree 1602 ukon Illegal Cockfighting Law ro tatlong ka mga inbidwal matapos nga madakpan sa illegal nga tupada sa Brgy. Tibiawan, Makato.
Ginkilaea ro tatlo nga sanday Marvin Inguillo, 20-anyos; Jose Lachica, 23-anyos ag Jhon Taborda, 18-anyos.
Base sa report, nakabaton sigon it impormasyon ro pulisya nga may nagapatigayon it patupada sa nasambit nga lugar rason nga insigidang nagresponde ro mga awtoridad.
Angot kara, naabutan sa akto ro tatlo ag narekober sa andang posisyon ag kontrol ro sangka manok nga patay nga may nakatakod pang bueang ag kapin sa 1,840 pesos nga balor it taya.
Ro tatlo hay gilayon nga gindaea sa taeatapan it pulisya kon sa siin sanda sa makaron temporaryong nakakulong para sa nagakaigong disposisyon.
