-- ADVERTISEMENT --
Kalibo Aklan——-Arestado ro tatlong ka mga eaeaki matapos nga madakpan nga nagasugae sa sangka namatyan sa Brgy. Agcawilan, Lezo.
Ginkilaea ro tatlo nga sanday Eulysis Eli, 51-anyos, residente it nasambit nga lugar; Rocheljan Casa, 24-anyos ag Vincent Casas, 18-anyos ag parehong residente it Brgy. Silakat Nonok sa nasambit nga banwa.
Una kara, nagapatigayon it checkpoint sa Brgy. Mina ro pulisya kon sa siin gin-impormahan sanda nga may nagasugae sa nasambit nga lugar rason nga nagpatigayon it operasyon ro mga otoridad.
May kaangtanan kara, naaktuhan nga nagasugae it lucky 9 ro tatlo rason nga gin-aresto ro mga raya ag gindaea sa Lezo Police Station para sa nagakaigong disposisyon.
