-- ADVERTISEMENT --
KALIBO, Aklan—Tatlo ka mga indibidwal ro natigayon nga maaresto it Kalibo PNP bangud sa pag-eabag it mga raya sa nagairal nga curfew sa banwa it Kalibo.
Ro tatlo hay nadakpan sa mga napangunang karsada sa nasambit nga banwa samtang nagapatrolya ro tropa it pulisya.
Nasayuran nga ro banwa it Kalibo ag bilog nga probinsya it Aklan hay una nagapabilin gihapon sa modified general community quarantine kon sa siin hugot nga ginapatuman ro quarantine protocols kontra sa padayon nga pagtapna ko pagkalhit it coronavirus disease ukon covid-19.
Madumduman nga ginpaidaeom sa granular ag surgical lockdown ro pilang porsyon sa nasambit nga banwa bilang solusyon matapos nga makaangkon it local transmission it deadly virus.
