Kalibo Aklan ——–Magapangatubang sa kasong pag-eabag sa Presidential Decree 449 ukon Illegal Cock Fighting Law ro tatlong ka mga indibidwal matapos nga madakpan nga illegal nga nagpabueo-bueo sa Sitio Bokbok, Brgy. Calangcang, Makato.
Ginkilaea it Makato PNP ro mga nadakpan nga sanday Harold De Pedro y Tambong, 27-anyos ag Romeo De Pedro, 57-anyos ag residente it nasambit nga lugar.
Narekober sa mga raya ro sangka ninahan nga manok nga pambueang nga may nakakabit pang bueang ag kapin sa P822 pesos nga kantidad it kwarta nga ginamit bilang taya.
Sa pihak nga parte, boluntaryong nagsurender ro sambilog nga si Erwin Tordicilla matapos nga maidentify samtang tatlong iba pa ro atlarge.
Kapin sa 20 ro naidentified nga imbolbado sa illegal nga bueang apang tatlo eamang ro presenteng una sa kustudiya it Makato Police Station para sa nagakaigong disposisyon.
