Kalibo Aklan ———Gin-inagurahan eon ro tatlong ka mga quarantine facility nga ginpondohan it Kapit-Bisig Laban sa Kahirapan-Comprehensive and Integrated Delivery of Social Services ukon KALAHI-CIDSS sa banwa it Balete ko nagtaliwan nga dominggo.
Raya ro ginpaathag ni Mrs. Maricar Calubiran, Social Marketing Officer it KALAHI-CIDSS sa naging interview it Bombo Radyo Kalibo.
Suno kana, nahamtang ro natungdan nga mga quarantine facility sa Brgy. Aranas, Cortez ag Fulgencio, Balete.
Ro desinyo it proyekto hay aprubado sigon it Department of Health (DOH).
Ginapahayag nga gintaw-an nanda it kapin sa 13.5 milyon pesos ro Balete para sa nasambit nga proyekto.
Antes pa sigon nagpanaeasa ro pandemya sa nasyon hay naka-identify eon sanda it mga lugar sa probinsya it Aklan nga pagabutangan it pasalidad kung siin ginakaeakipan raya it banwa it Altvas ag Balete.
Dugang pa ni Calubiran nga mabahoe ro maibulig kara sa mga munisipyo nga nagakinahang-ean it edipisyo nga pagabutangan it andang pumuoeyo nga kinahang-ean i-isolate.
