Kalibo Aklan ——–Tatlong turista eon man ro nadakpan matapos gumamit it mga gina-alegar nga pekeng RT-PCR test result sa Boracay.
Suno kay P/Lt. Col. Don Dicksie de Dios, hepe it Malay Municpal Police Station, nagtawag kanda ro staff it Aklan Provincial Tourist Validating Office agud nga ipahisayod nga may tatlong turista ro nakasueod sa Boracay gamit ro pekeng swab test results.
Ro mga nasambit nga turista nga puro naghalin sa AFP Housing, Zone 5 Bulihan, Silang, Cavite hay ginaeakipan it daywang babaye ag sangka eaeaki nga may edad 56, 55 ag 64 anyos.
Matapos nga sueangon sa gina istaran nga hotel, gindaea ro mga raya sa quarantine facility sa Kalibo agud nga ipaidaeum sa swab test.
Pagakasuhan sigon sanda it pag-eabag sa Mandatory Reporting of Notifiable Diseases and Health Events of Public Health Concern Act ag falsification of documents.
Samtang, target it Malay Municipal Tourism Office it LGU-Malay ro 30,000 nga tourist arrivals sa pagtapos it buean it Hulyo.
