KALIBO, Aklan – – – Kabilogan nga tatlong milyong pisos eon ro naitaong ayuda it Department of Social Worker and Development (DSWD) para sa mga displaced workers sa isla it Boracay.
Dumagsa ro mga trabahador sa Operation Center it DSWD agud makabo-oe it bulig pinansyal bilang pamasahe pauli sa andang tagsa ka mga lugar.
Suno kay DSWD Secretary Emmanuel Leyco, nabatyagan nanda ro kabudlay ag kagauy it mga naga pilang trabahador.
Suno kana nga raya hay sangka mabahoe nga paghangkat para kanda bangud sa kabahoe it numero it mga trabahador nga apektado ag maduea-an it trabaho ag pangitan-an.
Samtang, gin pasiguro kara nga gina himo nanda ro tanan nga masarangan agud mapadasig pa ro maitaong bulig.
Hasta it singko mil pesos eamang ro mabaton it kada displaced workers.
Bastante sigon ro pondo ag gina boebanta nga haeos naga abot sa 524 million pesos ro kinahangean nandang gastuson para kara.
Raya hay magahalin sa pondo it DSWD ag posibling maga bo-oe man sa calamity fund matapos nga gin paidaeum sa state of calamity ro tatlong barangay it Balabag, Yapak ag Manoc-manoc sa nasambitan nga isla.
