KALIBO, Aklan — Gin balik eon sa eawod ro tatlong pawikan nga nadakpan ku buean it Marso sa isla it Boracay.
Ro pawikan nga juvenile hawksbill turtle hay magkasunod nga aksidenteng nadakpan it mga residente ku Marso 9, 10 ag 12.
Gin alagaan raya it Environmental Management Services Unit it LGU-Malay ag kat may kusog hay gin balik eon sa andang natural habitat.
Ro nasambitang mga pawikan hay makabig sigon nga highly endangered species rason nga eubus ro pag alaga sa mga raya.
Sa pihak nga parte, bilang kabahin sa gihapon it naga padayun nga paglimpiyo ag rehabilitasyon sa isla, nagbueoligan ro mga scuba divers sa Boracay kaibahan ro lokal nga gobyerno sa pagtanum it mga corals sa idaeum it eawod sa tinotuyong maislan ro mga nasamad nga corals bangud sa kapabayaan sa isla.
