KALIBO, Aklan— Magapangatubang sa kasong pag-eabag sa Presidential Decree 1602 ro tatlong ka mga indibidwal matapos nga madakpan nga illegal nga nagasugae sa Brgy. Poblacion, Lezo.
Gin-aresto it mga otoridad ro mag-ama nga sanday Arnold Illig, 43-anyos ag Ariel Illig, 21-anyos kamana man si Flora Mae Mateo, 54-anyos ag parehong residente it nasambitang lugar.
Base sa report, nakabaton it impormasyon ro pulisya nga may nagasugae it tong-its sa mismong baeay ni Mateo rason nga insigidang nagpatigayon it operasyon ro mga otoridad nga nagresulta sa pagkaaresto sa tatlo.
Narekober sa posisyon ag kontrol it mga raya ro P63 pesos nga taya kamana man baraha nga gingamit sa illegal gambling.
Ro tatlo hay nakahunong sa locked up cell it Lezo Police Station para sa nagakaigong disposisyon.
