3 pasyente nga nagpositibo sa Delta variant sa banwa it Banga, fully recovered eon—MHO

KALIBO, Aklan—Ginklaro it Municipal Health Office ukon MHO-Banga nga fully recovered eun ro tatlong ka mga pasyente maghalin sa andang banwa nga nagpositibo sa delta variant it COVID-19.

Suno kay Miss Donnalyn Siyambio, tagapaghambae it Banga Municipal inter-agency task force nga petsa 9 pa  it agosto kat  ginpaidaeum ro mga raya sa RT-PCR test kung sa siin ap-at sa mga miyembro it andang pamilya hay nagpositibo sa covid-19.

Ginpaidaeum man raya sa home quarantine hasta nga naka-recover sa  nasambitan nga sakit.

Sa pihak nga parte, ginpahayag  man ni Siyambio nga makarun hay nagnaba  eun ro andang nailistang kaso it covid-19.