Nag-abot sa tatlo ro ginreport nga namatay sa sangka shooting incident nga nagtuhaw sa Banga National High School sa Banga, South Cotabato ku Setyembre 18, 2026.
Base sa paunang impormasyon halin sa pulisya, nagtuhaw ro pagpamaril bandang alas-1:30 it hapon sa sueod mismo it nasambit nga eskwelahan.
Insigida nga rumesponde ro mga tawuhan it pulisya ag iba pang natungadan nga awtoridad agud siguraduhon ro seguridad sa lugar ag umpisahan ro imbestigasyon angot sa posibleng motibo ag identity it suspek.
Samtang, uwa pa it beripikadong impormasyon angot sa numero it mga ninahan samtang padayon pa ro validation it mga awtoridad para sa ika-klaro it bilog nga insidente.
Ginakonekta sigon it mga awtoridad ro estudyanteng suspek sa pagpamaril sa sangka online community nga naka-pokus sa true crime ag mga insidente it pagpamaril sa mga eskwelahan.
Suno sa impormasyon it lokal nga gobyerno, nabuoe sigon it suspek ro baril matapos sudlon ro vault it anang ama, nga sangka empleyado ng Department of Education.
N ag-eutaw man sa imbestigasyon nga may pilang post ro suspek sa nasambit nga online community ag gina-idolo ro pilang dating school shooters.
Kasunod kara, gintalakay sa Senado ro pageapta it Nihilistic Violent Extremism ukon NVE sa mga online space ag ro posibleng kaangtanan kara sa mga insidente it karahasan.
