KALIBO, Aklan–Nagpangayo it public apology ag nakataeana nga mag-community service ro tatlong ka mga persona nga responsable sa pag-vandalized sa pubic rest room, pilang signages it DPWH ag wall sa banwa it Kalibo.
Raya ro naging resulta it personal nga pakikipag-istorya ni Mayor Juris Bautista Sucro ro tatlong persona kaibahan ro nanay it sambilog sa mga suspek kamana man nga una ro presensya it Kalibo PNP.
Suno kay Executive Assistant I to the Mayor Carla Suñer Doromal nga gintaw-an it konsiderasyon it alkalde ro tatlo kung siin indi eon sanda pagpasakaan it nagakaigo nga kaso.
Ginapahayag nga may medical condition ro sambilog sa mga suspek base sa panaysayon it ina kara.
Sa pagpangusisa, natueopangdan nga gusto eamang it suspek nga mapukaw ro igtueopangod it alkalde angot sa anang talento bilang sangka street artist.
Nagpromisa sigon ro ina it 25-anyos nga suspek nga sanda ro magasabat sa gaeastuson sa pag-repaint it area kung siin natabo ro bandalismo.
Ro tatlo nga magkabarkada hay sensiro nga nagpangayo it pagpasaylo kay Mayor Sucro ag sa tanan nga Kalibonhon kadungan it promisa nga indi eon pag-umanon pa ro kaparehong hitabo.
