BANGA, Aklan — Nagkarambola ro tatlong saeakyan sa Brgy. Venturanza, Banga, bandang alas-9, agahon it Biyernes, Hunyo 6.
Sa mayad nga swerte ag owa it may naninahan sa insidente.
Base sa report, samtang ginabiyahe it sangka kotse ro national highway nga sakop it nasambit nga lugar paagto sa direksyon it Kalibo hay gulpi raya nga binungguan it kasunod nga delivery truck.
Sa pagpundo it delivery truck hay binungguan man raya it nagasunod kana nga dump truck.
Ginasugid nga nagpundo it pagpadaeagan ro kotse matapos nga may nagtabok nga mini truck.
Nakaangkon it kasamaran ro prente it dump truck kamana man ro likod it kotse, samtang sangkiri nga damage ro naangkon it delivery truck.
Nagapadayun pa ro imbestigasyon it Banga Municipal Police Station sa nasambit nga insidente.
