Kalibo Aklan —–Presenteng nagahimas it maeamig nga rehas sa Kalibo Police Station ro sangka babaye matapos madakpan nga nagapang-shoplift sa sangka grocery store sa banwa it Kalibo.
Ginkilaea ro suspek nga si Hazel Idulsa, 30-anyos ag residente it Brgy. Old Buswang, Kalibo.
Base sa inisyal nga imbestigasyon it Kalibo PNP, bandang alas 4:00 it hapon ko Abril 28 nagsueod ro suspek sa nasambitan nga grocery store kung sa siin napan-uhan it lady guard nga si Maria Alma Batoy, 48-anyos ag residente it Brgy. Badio, Numancia nga matsa kaduda-duda ro panghueagon it suspek.
Naaktuhan man sigon ro suspek nga nagpangbo-eo it pilang mga grocery items nga diretsong ginasueod sa anang bitbit nga bag.
Kat magapagguwa eon kunta it establisiyemento hay gilayon nga gin-check ro anang bag ag idto nakit-an ro gintakaw karang mga asukar, kape, evaporated milk, condensed milk, biscuit, mantika, gatas, palaman sa tinapay ag maabo pang iba.
Bangud nga napaseawan rayang magpakita it resibo ginpakamayad eun lang nanda nga magtawag it mga katapo it kapulisan para sa nagakaigo nga disposisyon.
