Kalibo Aklan ——Personal nga nagparecord sa Kalibo Police Station ro sangka eaeaki matapos nga gina-alegar nga paga-atakehon sigon imaw it sanduko it sangka persona sa Brgy. Old Buswang, Kalibo.
Nakilaea ro tagreklamo nga si Mc Gerald Matorre, 30-anyos samtang nakilaea mat-a ro gina-alegar nga suspek nga si Dennis Villaruel, 30-anyos, parehong residente it nasambitang lugar.
Kaangot kara, samtang naga-atender sigon sa sangka birthday party ro tagreklamo hay nakita nana si Villaruel nga may bitbit nga sanduko ag gina-alegar ga nagapaadto paeapit kana.
Kung siin dali-dali sigon imaw nga nagdaeagan para makapaeagyo ag makapangayo it bulig.
Samtang, base sa pagpangusisa it mga otoridad, maid-id man nga ginpamalibaran ni Villaruel ro alegasyon kontra kana ag gin-insister nga may paga-ubrahon sigon imaw sa panimaeay it anang igmanghod rason nga may bitbit imaw nga sanduko.
Ro insidente hay ginpakamayad lang nga ipa-record para sa nagakaigo nga disposisyon.
