-- ADVERTISEMENT --
KALIBO, Aklan — Trenta nga baeay ro naabo kaina it aga-aga sa Sitio Bantud, Barangay Manocmanoc sa isla it Boracay.
Suno kay FO3 Franklin Arubang, arson investigator it Bureau of Fire Protection (BFP) – Malay, pasado alas-3:00 kaina it aga-aga kat makabaton sanda it report angot sa sunog ag alas-4:00 man it aga-aga kat magdeklara it fire-out.
Kaabuan sigon sa nasunog hay mga boarding houses.
Nagapadayun pa ro imbestigasyon sa ginhalinan it kaeayo ag kabilugan nga kahalitan it nag-eontad nga sunog.
Nasayuran nga ko Marso 30, 2019 nailista man ro pinakamabahoe nga sunog sa Boracay, kun sa siin, haeos nga 60 istraktura nga ginaeakipan it mga establisimento, residential ag boarding houses ro natupok nga may una nga P22.5 million nga kahalitan.
-- ADVERTISEMENT --
