KALIBO, Aklan—Gin-aprehend it mga kapulisan ro sangka indibidwal samtang nagamaneho it anang tapdown matapos nga mataeopangdan nga may karga raya nga kahoy bandang alas-7:50 kabie sa Brgy. Libertad, Nabas.
Ginkilaea it Nabas PNP ro driver nga si Bryan Absta, 31-anyos ag residente it Brgy. Dumlog, Malay.
Nakumpiska kay Absta ro 12 bilog nga kahoy nga mahogany nga may sukat nga 2×3.
Depensa it driver, ana eamang kunta nga pagadaehon ro nasambit nga mga kahoy sa Brgy. Laserna bangud nga ginagamit raya sa ginaconstruct nga baeay.
Apang, gin-insister it mga kapulisan nga pag-eabag raya sa laye bangud nga uwa imaw it ginapakita nga permit to transport.
Bangud kara, gin-aresto si Absta ag gindaea sa taeatapan it pulisya kon sa siin magapangatubang imaw it kasong pag-eabag sa Presidential Decree 705 ukon Illegal Logging.
