Ginkumpirma it Department of Foreign Affairs (DFA) nga may sangka Pinoy sa Singapore ro tinamaan it monkeypox.
Ginpahayag ni DFA spokesperson Teresita Daza, ro nasambit nga Pilipino sigon hay 31-anyos.
Suno man kay Singapore Ministry of Health (MOH) sa andang monkeypox local situation report, nagpositibo sigon ro Pilipino sa monkeypox virus ko nagtaliwan nga Hulyo 25.
Uman nga naka-angkon it eagnat ro pasyente ko nagtaliwan nga Hulyo 21 antes maka-angkon it rashes sa anang mga itsura ag eawas.
Insigidas man sigon imaw nga nagpakonsulta sa Singapore General Hospital ko nagtaliwan nga Hulyo 24 ag gilayon man nga na-admit sa parehong adlaw.
Kung madumdum, ko nagtaliwan nga Biyernes tag gin-anunsiyo it Deaprtment of Healht (DoH) nga nalista ro kauna-unahang kaso it monkeypox sa nasyon maghalin sa 31-year-old nga Pilipino.
