-- ADVERTISEMENT --
KALIBO, Aklan — Nadugangan eon man ro numero it mga namatay bangud sa sakit nga dengue sa probinsiya it Aklan.
Raya hay matapos nga binawian it anang hueam nga kabuhi ro sangka 32-anyos nga ina sa Isolation Ward it Aklan Provincial Hospital .
Nakilaea ro biktima nga si Helen Arroyo it Brgy. Manika, Libacao.
-- ADVERTISEMENT --
Ginpahayag nga ko Hulyo 30 hay nakaexperiensiya it eagnat ro biktima ag pagka aga hay insigidang gindaea sa hospital.
Apang pagka-Biyernes hay nagsuka raya it dugo ag masyado eon nga maeuya.
Nasayuran nga ro biktima hay sangka plain housewife ag una eamang sa sueod it andang panimaeay nga naga-asikaso sa andang limang mga unga.
