Nakalista ro Pilipinas it kapin sa 32 bagong kaso it mas makataeapon nga Omicron subvariant nga BA.5 suno sa Department of Health.
Suno kay Heath Undersecretary Maria Rosario Vergeire, nadetect ro 21 kaso it nasambit nga subvariant maghalin sa Western Visayas, ap-at maghalin sa Calabarzon ag ap-at man nga kaso maghalin sa National Capital Region ag 3 man sa Central Luzon.
Sa mga kasong nalista sa Western Visayas, kapin sa 9 ro nataeopangdan nga maghalin sa workplace cluster samtang ro tatlong kaso man hay maghalin sa household cluster.
Samtang, fully vaccinated eon man kontra sa COVID19 aro kapin sa 30 kaso , sambilog ro partially vaccinated samtang ro vaccination status man it sambilog nga kaso hay ginaberipika pa.
Nasayuran nga naka-eksperyensya ro 22 kaso it mild symptoms, 5 ro asymptomatic.
Suno pa kay USec. Vergeire, owa pa natumod ro exposure it mga indibidwal ag gina-imbestigahan pa kung ro mga raya hay may travel history.
