KALIBO, Aklan—Kapin sa 32 nga mga tawuhan it Philippine National Police ukon PNP sa bilog nga Western Visayas ro nagpositibo sa Coronavirus Disease 2019 ukon COVID-19.
Suno kay Police Lieutenant Colonel Joem Malong, tagapaghambae it PRO-6 nga nauna eon man nga ginpaidaeum sa swab testing ro pila sa andang mga personnel nga naka-assign sa Camp Martin Delgado sa Iloilo City matapos nga tatlo nga mga opisyal ro nagpositibo sa sakit.
Kasunod kara nagpatigayon it hugut nga disinfection ag iba pang health protocols sa sueod it kampo para sa kaeowasan it mga personnel ag andang natungdan nga pamilya.
Ginapatuman man sigon nanda ro minimum health standards sa tanan nga mga tawuhan ag kliyente nga nagasueod sa mga estasyon it pulisya nga ginaeakipan it pagsuksok it face mask, physical distancing, maid-id nga paghugas it alima, foot bath ag thermal scanning.
Samtang, ginklaru man nana nga owa it pulis halin sa aklan nga nagpositibo sa covid 19.
