KALIBO, Aklan–32 nga tribu ag grupo ro magapasakop sa tradisyunal nga sadsad Ati-Atihan contest sa Enero 18, sambilog sa mga highlights it 2020 Kalibo Sto. Nino Ati-Atihan festival.
Suno kay Kassamaco Chairman Apol Zaraspe nga nakatau eon sanda it unang tranche it subsidy ko Biyernes nga adlaw nga naga-abot sa P770,000 ro pinakamataas.
Aminado ro opisyal nga medyu na-delay ro pag-release it subsidy sa orihinal nga schedule nga Nobyembre 2 bangud nga “back to zero” sanda sa pondo umpisa sa pagbuyot it event.
Ro second tranche suno kana hay posibleng mapaguwa sa unang domingo it Enero.
Owa suno kana it kamatuoran ro nagguwa nga balita nga ginreklamo sanda sa nadelay nga pondo bangud nga naintindihan raya it mga participating tribes and groups.
Ginatinguhana sigon nanda nga mapataasan ro subsidy makaron nga event .
