32 unga sa sangka daycare sa Pennsylvania gindaea sa ospital matapos makahanggop it carbon monoxide

Gindaea sa ospital ro 32 unga ag staff it sangka daycare center sa Allentown, Pennsylvania matapos nga makahanggop it kemikal.

Suno kay Allentown spokesperson Genesis Ortega nga halin sa sangka gas leak ro natabo nga maeapit sa Happy Smiles Learning Center.

Naka-eksperyensya it pagkahilo ag pagpaeanuka it mga biktima rason nga napilitang ibakwit ro mga raya pagguwa it edipisyo.

Sa mayad nga kahimtangan eon ro mga biktima ag sanda hay nakagguwa eon sa ospital.

Nagapatigayun eon it imbestigasyon ro mga otoridad sa natabo nga carbon monoxide leak sa lugar.