KALIBO, Aklan—Nagapangtubang sa kasong pag-eabag sa Illegal Possession of Firearms ro sangka 33-anyos nga eaeaki matapos nga ginreklamo it pagpaeopok sa andang lugar sa Brgy. Tibiawan, Makato.
Ginkilaea ni PSSgt. James Padasas it Makato PNP ro suspek nga si Gelarde Sagudsod ag residente it nasambit nga lugar.
Base sa inisyal nga imbestigasyon it pulisya, nakabaton sanda it tawag maghalin sa concerned citizen sa lugar nga may nagapaeopok it armas bandang alas-2:30 it aga-aga rason nga anda raya nga ginrespondehan.
Kaangot kara, naaktuhan ro suspek nga ginabitbit pa nana ro home made 12 gauge shot gun ukon pugakhang kon sa siin makapilang beses pa raya nga ginwarningan it pulisya antes nga ginsurender ro armas ag maging ro anang kaugalingon.
Si Sagudsod hay presenteng nakakulong sa Makato Police Station para sa nagakaigong disposisyon.
