KALIBO, Aklan — Bangud sa pumalpak nga global positioning system (GPS) rason nga bumunggo ro barkong M/V Maria Matilde it Montenegro Shipping Lines, Inc. sa bahin it sangka bangin sa isla it Calatrava sa Romblon pasado alas-5:00 kahapon it kaaganhon.
Suno sa Philippine Coast Guard (PCG)-Romblon, naga abot sa 33 katawo ro naninahan sa insidente matapos nga inapok bangud sa kabaskog it impact.
Maga padueong konta ro barko sa Romblon Port maghalin sa Odiongan Port agud magpapanaug it pilang pasahero nga naghalin sa Batangas.
Gina sugid nga nakabati it medyo pagsabog ro pilang pasahero ag kat chekyaron, nakit-an nga bumunggo ro andang gina sakyang barko sa parte it sangka bangin.
Sa impact it pagbunggo it barko, nayupi ro unahang parte kara ag sangka gin kargang saeakyan ro nasamad.
Bandang alas-7:00 kahapon it agahon kat nakadungka eon ro barko sa Romblon Port.
Naga padayun pa sa makaron ro imbestigasyon it PCG-Romblon may kaangtanan sa insidente.
