338 nga katawo ginbitay sa Saudi Arabia
INTERNATIONAL News — Binitay it Saudi Arabia ro an-um nga Iranian bangud sa drug trafficking sa Dammam, nga nagmarka it sangka record-breaking nga dag-on para sa mga execution.
Para sa dag-on 2024 indi maganaba sa 338 nga katawo ro ginbitay sa Saudi nga nagtaas it husto halin sa 170 ko 2023.
Kaibahan sa mga pinatay hay ro 117 nga mga drug trafficker.
Ro mga pagbitay hay kasunod it ginpadayun nga penalidad nga kamatayon para sa mga pag-eabag sa droga matapos boe-on ro sangka moratorium may daywang dag-on eon ro nakataliwan.
Ro mga dumueuong nga ginbitay hay 129 halin sa kabilugan nga 338 nga ginsentensiyahan it kamatayon nga ginaeakipan it mga Yemenis, Pakistanis, ag Egyptian.
Ro Amnesty International hay nagpahayag it pagkabaeaka sa naga-inabu nga numero it mga ginabitay, eabi eon sa mga krimen nga may kaangtanan sa droga.
