KALIBO, Aklan—Namatay samtang ginabueong sa Libacao District Hospital ro sangka motorista matapos nga maaksidente sa ginamanehong motorsiklo sa Rizal St. Brgy. Poblacion, Libacao, Aklan.
Ginkilaea ni Police Corporal Depcel Villorente it Libacao PNP ro driver nga si Joseph Eross Niñonuevo, 34-anyos ag residente it nasambitang lugar.
Nakaangkon it fatal nga lastro sa ueo, ag nabali gid ro alima ni Niñonuevo matapos nga tumumbabo sa ginasakyan nana nga behikulo.
Ginpahayag dugang nga nagtambong sa birthday parte ro biktima kon sa siin ginhatod pa kara ro anang amigo.
Apang sa anang pag-uli sa kasagsagan it mabaskog nga uean hay gulpi eon lang raya nga natumba ag bangud nga una sa idaeom it impluwensya it aeak hay na-ieampos nana ro anang ueo nga gintunaan it anang hinali nga kamatayon.
