KALIBO, Aklan — Ginpakigbahin sa Bombo Radyo Kalibo it sangka 34-anyos nga nag-graduate it Cum Laude sa kursong Bachelor of Secondary Education major in English ro anang mga gin-agihan antes na naabot ro nasambit nga kadaeag-an.
Suno kay Filmarie Sabino, bukon na it handum ko una nga mabuoe ro nasambitan nga dungog.
Ro gusto na eamang sigon hay ro makatapos sa nasambitan nga kursong gusto it anang ina para kana.
Apang, nasayuran kara nga kung maangkon na raya nga dungog ag pagkilaea, mabahoe eon raya nga regalo sa anang pamilya sa andang sakripisyo ag suporta nga gintao kana.
Ginpahayag man kara nga may mga negatibo man imaw nga komentong nabatian ukon gina kwestyon ro anang pagiging cum laude apang nagpakabakod imaw.
Sayod na sigon sa anang kaugalingon nga sa ap-at nga dag-on na nga pagtuon, hay gintao na man ro tanan nga anang masarangan, ag “deserving” imaw sa nasambitan nga award.
Bukon suno kay Sabino it madali ro mga hangkat nga anang gin-agihan apang nagapabilin imaw nga matibay sa pagpati nga owa imaw ginapabay-an it Diyos ag it anang pamilya.
Gin-istorya man kara nga nangin mabudlay para kana nga makipagsabayan sa anang mga kaklase nga pilang anyos ro agwat ku edad kana.
Apang gintaw-an kara it punto nga owa sa edad ro edukasyon.
Mabahoe sigon nga bentahe ro pag-angkon it edukasyon sa makaron nga paniempo bangod raya ro magiging “platform” it sangka individual sa mas maabo nga opurtunidad.
