KALIBO, Aklan— Nag-abot sa 34 nga tribu ag grupo ro nagpakitang gilas sa Sadsad Ati-Atihan contest ko Enero 19 sa mga nagapangunang karsadahon sa banwa it Kalibo.
Suno kay Albert Meñez, chairman it Kalibo Sto. Niño Ati-Atihan Foundation, Inc. (KASAFI), ro street dancing competition hay sambilog sa mga naging cultural highlights it Kalibo Sto. Niño Ati-Atihan festival.
Kapin sa P1.758 million ro gintaeanang premyo sa mga nagdaeaog nga tribu, grupo ag indibidwal ko bisperas it kapyestahan ni Sr. Sto. Niño De Kalibo.
Ginpahayag dugang nga gintaw-an it importansya it mga deboto ro festival apisar pa nga kadungan raya it hampang it Pambansang Kamao nga si Sen. Manny Pacquiao nga nagdaog kontra kay Adrien Broner sa MGM Grand sa Las Vegas, Nevada ag napabilin kana ro belt sa WBA regular welterweight.
Nasayuran nga kada may hampang si Pacquiao hay matsa nagapundo ro tiyog it kalibutan.
