Nagpaguwa it show cause order (SCO) ro Land Transportation Franchising and Regulatory Board (LTFRB), sa idaeum it Department of Transportation, kontra sa 34 nga operator it public utility vehicles (PUVs) matapos sigon nga owa nagbiyahe sa andang mga gintaeana nga ruta ag sa baylo hay nakit-an ro andang mga unit sa mga rally site sa Quezon City.
Kaibahan sa mga operator nga ginpadaehan it SCO ro mga may buyot it bus ag UV Express units.
Maskin nga gina-respeto it LTFRB ro kinamatarun it kada isaea nga magbuylog sa matawhay nga hubeag protesta, ginpahayag it ahensya nga may saeabton gihapon ro mga operator nga magtau it serbisyo sa mga commuter.
Suno sa LTFRB, naka-apekto sa mga pasahero ro naging desisyon it mga operator nga indi mag-operate ko Martes, rason nga nabawasan ro serbisyo it pampublikong transportasyon.
Ginpahayag man it ahensya nga posibleng nag-eabag ro mga operator sa Paragraph 3 it Memorandum Circular No. 2011-004.
Ginmanduan ro 34 nga operator nga magsumite it notarized written explanation kun ham-an nga indi dapat suspindihon ukon kanselahon ro andang permits to operate.
Gintaeana it LTFRB ro pagpamati sa kaso sa Hulyo 9.
