Balitang Espesyal———-Sangka 12 anyos nga unga halin sa New York ro nagahana nga makaangkon it Guinness World Record pinaagi sa pagduyan it masobra sa sang adlaw ag tunga sa guwa it andang baeay .
Si Sean Lewis it Rochester hay nagsakay sa swing bandang alas-7 it agahon ko Lunes ag target kara nga magduyan it 34 oras nga may 20-minutos nga break kada ap-at nga oras agud nga maka-unat-unat , makakaon ag makagamit it CR.
Suno kay Matt Lewis, ama ni sean nga umpisa nga gintakod nana ro swing ko nagtaliwan nga adlaw sa guwa it andang baeay hay nagustuhan eon raya it anang unga.
Ro presenteng Guinness World Record hay ginabuytan it sambilog pang teen-ager halin sa New Zealander nga si Aimee Pivott, nga naka-abot it 32 hours ag 3 minutes, apang gusto ni Lewis nga maeampasan nana raya sa oras nga 34 hours.
Ginaeauman nga maabot ni Lewis ro anang goal makaron nga 5 p.m.
