35 anyos nga eaeaki nakatueog sa daan, patay sa hit and run

KALIBO, Aklan — Patay ro sangka 35-anyos nga eaeaki matapos mabiktima it hit and run sa Brgy. Cajilo, Makato, Aklan.

Gin kilaea ni SPO2 Reynold Galicia it Makato Police Station ro biktimang si Jorence Andrade, residente it nasambitang lugar.

Blangko pa ro mga pulis sa identification it suspek ag kun anong klase it saeakyan ro nakasagasa kana.

Nasapwan it mga residente ro biktimang owa eon it kabuhui sa kilid it karsada ag may marka pa it kariton ro anang dughan.

Insigida rayang gin daea sa Aklan Provincial Hospital, apang, gin deklarang dead on arrival.

Gina patihan nga bangud sa kahilungon hay nakatueog ro biktima sa karsada ag nasagasaan it saeakyan.