KALIBO, Aklan— Naugdaw ro kapin sa 35 ka mga panimaeay ag tatlong commercial buildings sa nagtuhaw nga sunog sa Sitio Bantud, Brgy. Manoc-manoc sa isla it Boracay.
Sa pinakaulihing imbestigasyon it Bureau of Fire Protection (BFP)-Boracay, umabot it haeos sang oras ro sunog antes nga naapula ro kaeayo bangud sa mabaskog nga hangin ag ro mga kabaeayan hay human sa light materials.
Samtang, sa datos it Municipal Social Welfare and Development Office (MSWDO)-Malay, umabot sa 28 ka pamilya nga ginakaeakipan it 213 ka mga indibidwal ag 66 ka mga boarders ro natigayon nga naapektuhan kon siin temporaryo makaron nga nagapabilin sa evacuation center sa Manocmanoc gym.
Samtang sa pihak nga parte, daywa ro nailistang naninahan sa insidente nga ginkilaea kanday Jogenis Laserna, 76-anyos ag Angelina Laserna, 75-anyos nga nakaangkon it pagkapaso sa magtimbang nga alima.
Padayon pa ro imbestigasyon it BFP-Boracay sa nasambitang insidente.
